VOV4.Jarai - Tui tơlơi pơkă hlâo, bruă Jơnum tal 16 mơng Khul apăn bruă khua pơ ala mơnuih ƀôn sang amra pok phun amăng lơ 10/10. Amăng mông jơnum anai, Jơnum min apăn bruă khua pơ ala mơnuih ƀôn sang amra bơkơtuai gum pơhiăp kơ hră čih lăi pơthâo glăi ruah mă tơlơi gum pơhiăp, rơkâo đĭ mơnuih pơ ala mơnuih ƀôn sang hăng mơnuih ƀôn sang mơ-ĭt kơ tal jơnum lok 4 mơng Khua pơ ala mơnuih ƀôn sang; gum pơhiăp kơ hơdôm tơlơi lăi pơthâo glăi: Bôh tơhnal lăng tui bruă pơsir, lăi glăi tơlơi rơkâo đĭ mơng mơnuih pơ ala mơnuih ƀôn sang mơ-ĭt kơ tal jơnum lok 3 mơng Khua pơ ala mơnuih ƀôn sang; Bôh tơhnal tŭ jum mơnuih ƀôn sang, tŭ mă hră pơsir hră ƀom mơng mơnuih ƀôn sang hăng bôh tơhnal lăng tui bruă pơsir tơlơi ƀom kiơng mơng mơnuih ƀôn sang mơ-ĭt kơ Khua pơ ala mơnuih ƀôn sang thun 2022.

Jơnum tui akô̆ bruă tơlơi phiăn blan 9/2022 mơng Jơnum min apăn bruă Khua pơ ala mơnuih ƀôn sang dêh čar

Gum pơhiăp kơ hơdôm tơlơi lăi pơthâo glăi mơng Gong gai dêh čar; Tơlơi ngă tui kơčăo bruă pơđĭ kyar bơwih ƀong – mơnuih mơnam hăng prăk pơkă mă yua ngăn drăp kơnuk kơna thun 2022, kơčăo bruă pơđĭ kyar bơwih ƀong – mơnuih mơnam thun 2023; pơkă mă yua ngăn drăp mơng kơnuk kơna hăng jơlan gah pơpha ngăn drăp kơnuk kơna thun 2023; bôh tơhnal ngă tui kơčăo bruă tuh pơplai bruă hrom thun 2022; pơkă hlâo kơčăo bruă tuh pơplai bruă hrom thun 2023./.

VOV.VN čih

Siu H’ Prăk pơblang