Jơnum đing nao lăng glăi boh than ngă tui bruă jao kơđi čar, bruă pơjing Ping gah, laih dong hơdôm anŏ aka ƀu klă, tơlơi pơglăi hăng hơdôm tơlơi găn rơgao, pơlir hăng jơlan gah, bruă jao thun 2026 mơng grup amăng Khul apăn bruă hăng rĭm čô mơnuih amăng Khul apăn bruă Ping gah Ƀirô Khua pơ ala mơnuih ƀôn sang dêh čar. Khua git gai pơ ala mơnuih ƀôn sang dêh čar lăi pơtong pran glăm ba, ngă bruă tơpă, ngă pô amăng pơčrông sai, lu tơlơi pơgôp hiăp lăi nao dơlăm hơdôm boh than dưi ngă kah hăng hơdôm bruă hơkrŭ glăi kiăng hrưn đĭ klă dong amăng git gai pơ anăp dong.

Khua git gai pơ ala mơnuih ƀôn sang dêh čar brơi thâo, lơ 24/12, Jơnum min apăn bruă Khua pơ ala mơnuih ƀôn sang dêh čar amra jơnum hrơi tal 2 amăng Jơnum lok 52, hrơi jơnum rơnuč amăng thun 2025, đing nao pel ĕp glăi, pơsir hĭ hơdôm bruă dŏ glăi, pơhlôm djơ̆ hrơi blan, klă hloh tui tơlơi rơkâo.