Khul apăn bruă Ping gah tơring čar Dak Lak pơphun jơnum tui tơđar lok 97
Thứ ba, 10:26, 05/11/2024
VOV Tây Nguyên/Siu Đoan Pơblang
VOV Tây Nguyên/Siu Đoan Pơblang
VOV4.Jarai-Tlam tom brơi (4/11), Khul apăn bruă Ping gah tơring čar Dak Lak pơphun jơnum tui tơđar lok 97 pơgôp hiăp kơ hră lăi pơthâo kơ bruă git gai ngă tui bruă jao blan 10 hăng jơlan gah, bruă jao akŏ phun blan 11/2024.
Lăi pơthâo amăng mông jơnum, amăng blan 10/2024, tơlơi bơwih ƀong huă-mơnuih mơnam amăng tơring čar Dak Lak tŏ tui pơđĭ kyar hơđong, abih bang hơnong pơkă lêng kơ đĭ pơhmu tui tơđar thun 2023.
Khua git gai Ping gah tơring čar Dak Lak ơi Nguyễn Đình Trung rơkâo djop gưl kiăng đing nao git gai hăng pơphun ngă tui klă hơdôm bruă jao amăng thun 2024; pơphun truh kih tal hơdor glăi 120 thun hrơi akŏ pơjing tơring čar; prap lui klă bruă pơphun Jơnum Ping gah tơring čar tal XVIII; ječ ameč pok pơhai bruă dưm dăp man pơdong kual Dap kơdư, dăm dăp amăng tơring čar Dak Lak rơwang thun 2021-2030, anăp nao truh thun 2050 tui tơlơi pơkă; pơtrut tañ bruă man pơkra jơlan rơdêh đuăi hmar Khánh Hòa-Buôn Ma Thuột.
Viết bình luận