VOV4.Jarai - Ƀrô djơ̆ tal hơdor glăi 66 thun Hrơi gru grua Khul pơlir hơbit Hlăk ai Việt Nam, ƀơi tơring glông Mdrak, Khul hlăk ai tơring čar Daklak pơphun hơdôm bruă mă anăp nao hrơi Hlăk ai gum hrom mă bruă hăng lu bruă mă tŭ yua sit nik. Khul hlăk ai Daklak hmâo pơphun jao ring bruă Tŭi rơđah apui ƀơi jơlan nao rai ƀơi plơi pla amăng thôn 2, să Ea Hmlay, tơring glông Mdrak.

Pơphun pơdŏng sang dô̆ Khăn quàng đỏ kơ čơđai sang hră tơnap tap

Ring bruă hmâo rơwang ataih 1km, amăng anun hmâo 20 bôh pul apui pơkĕ hăng pơ-iă yang hrơi dưi truă rôk tui jơlan phun amăng plơi pla, abih bang hmâo nua 45 klăk prăk; Pơphun pơdŏng 2 bôh sang dô̆ Khăn quàng đỏ  kơ čơđai sang hră hmâo tơlơi hơdip tơnap ƀơi 2 bôh să Ea Riêng hăng Čư̆ Mtar, tơring glông Mdrak, rim sang hmâo nua 60 klăk prăk. Tal anai, ƀơi abih bang hơdôm Khul hlăk ai tơring glông hăng să amăng tơring čar Daklak leng kơ pơphun lu bruă mă anăp nao Hrơi Hlăk ai gum hrom mă bruă hăng lu bruă mă sit nik kah hăng pơphun pơdŏng sang dô̆ hơdor tơngiă, khăp păp; rơmet agaih anih anom dô̆, jao ring bruă ia hơdjă yua, gơnam tam, ƀơk prăk djru hrăm hră kơ čơđai sang hră ƀun rin./.

VOV.TN/Siu H’ Prăk pơblang