Ƀơi tơring glông guai dêh čar Ia Hdrai, tơring čar Kon Tum, Grŭp git gai Khul hlăk ai rơnuk Hồ Chí Minh dêh čar ta hmâo ƀơk hơdră bơwih ƀong hmâo nua 2 klai prăk djru prăk bơwih ƀong pioh mơnuih amăng khul hlăk ai, tơdăm dra ƀơi anai pơđĭ kyar bơwih ƀong; ƀơk 20 anung prăk djru hrăm hră, rim anung gơnam hmâo nua 2 klăk prăk kơ ƀing čơđai sang hră ƀun rin hrăm rơgơi; ƀơk 30 anung gơnam kơ mơnuih mă bruă kơ Sang bruă bơwih ƀong mơnuih ƀôn sang sa ding kơna Kơ su Čư̆ Mo Ray hăng Sang bruă Kơ su Sa Thầy.

Ƀơi Jơlan hơdră “Bơyan bơnga guai dêh čar – Tết ia rơsĭ, bul ia rơsĭ” nao hrŏm hăng bơwih brơi Tết kơ hlăk ai mă bruă kơ sang bruă, mơnuih mă bruă dưi pơphun ƀơi să Mô Rai, tơring glông Sa Thầy, Grŭp git gai Khul hlăk ai rơnuk Hồ Chí Minh ƀơk brơi 20 anung gơnam kơ mơnuih hmâo arăng đăo gơnang amăng neh wa djuai ania ƀiă; ƀơk 2 per măi kompiutơr, loa ba hyu kơ Khul glăk ai să Mo Rai.

Ƀrô djơ̆ tal Tết tui phiăn juăt mơ̆ng djuai ania, Grŭp git gai Khul hlăk ai rơnuk Hồ Chí Minh dêh čar ta hrŏm hăng Khul hlăk ai tơring čar Kon Tum ăt nao čuă, hơ-ưč hmưi mơn Tết pơsur pran jua, ƀơk hơdôm gơnam tŭ yua kơ mơnuih apăn bruă tơhan, tơhan Kông ang să Ia Dom hăng Puih kơđông pơgang guai dêh čar Ia Dom, tơring glông Ia Hdrai./.