Khul ling tơhan hơđăp tơring čar Dak Lak ră anai hmâo rơbêh kơ 50.700 čô mơnuih, gum hrŏm jơnum ƀơi 261 khul grŭp. Amăng 20 thun ngă tui Tơlơi pơtrun pơsit mrô 09 thun 2002 mơng Ding jum kơđi čar, ƀing ling tơhan hơđăp Dak Lak lăng yôm na nao pran jua, drơi pô “ling tơhan Wa Hồ” amăng pơdŏng pơgang Ping gah, gong gai, gum pơhiăp klă amăng bruă pơgang pơgăn hưp ƀong kông ngăn.

Bruă ling tơhan hơđăp ngă gru hlâo djă pioh hăng pơlar hyu djop anih, mơng anun thâo hăng pơhư prong hơdôm gru ba jơlan ling tơhan hơđăp, mơbruă. Khul ling tơhan hơđăp tơring čar Dak Lak hmâo iâo pơhrui giăm truh 138 klai prăk pioh sut lui sang dô̆ ƀu rô̆ yâo, djru phun pla hlô rông, ngă hră pơkrem prăk, djru mơnuih amăng khul yak rơgao tơlơi tơnap. Pơhiăp amăng mông jơnum, ơi Y Biêr Niê, Kơ-iăng Khua git gai Ping gah tơring čar Dak Lak lăi lĕ, pơ̆ anăp anai, ling tơhan hơđăp amăng tơring čar ngă tui dong bruă pô hăng phiăn juăt klă hiam mơng “Ling tơhan Wa Hồ”, pơtô pơhrăm phiăn juăt, tơlơi pơmin hơkrŭ kơ rơnuk hlăk ai./.