Khul mơnuih ngă hmua tơring čar Dak Lak ră anai hơmâo 194 rơbâo čô ding kơna ngă hrŏm Khul mơnuih ngă hmua pơplông mă bruă ngă hmua, sĭ mơdrô rơgơi, gum pơgôp tơdruă djru ngă pơdrong hăng pơhrŏ ƀun rin kjăp. Giăm 103 rơbâo boh sang anŏ dưi tŭ yap mơnuih ngă hmua hăng sĭ mơdrô rơgơi ƀơi djop gưl, hơdôm sang anŏ anai hơmâo djru pơsir brơi 25.000 čô mơnuih hơmâo bruă mă.

Bruă khul mơnuih ngă hmua pơplông ngă hmua, sĭ mơdrô rơgơi, gum pơgôp tơdruă ngă pơdrong hăng pơhrŏ ƀun rin kjăp ƀơi Dak Lak hơmâo djru hrŏm kiăng djru 11.000 boh sang anŏ mơnuih ngă hmua hrưn đĭ pơklaih mơ̆ng ƀun rin, hơđong tơlơi hơdip mơda. Yă Lại Thị Loan, Khua khul mơnuih ngă hmua tơring čar Dak Lak brơi thâo, amăng rơwang bruă phrâo pơ anăp, Khul mơnuih ngă hmua amra djru lu hloh kơ bruă mă bơwih bơwang brơi mơnuih ngă hmua pơđĭ kyar ngă hmua hăng sĭ mơdrô.