Amăng tal jơnum, Khua mua hơdôm gơnong bruă, anom bruă hmâo bơkơtuai, lăi pơblang, tŭ mă sa dua bôh yôm bơdjơ̆ nao hơdôm jơlan gah pơhlôm rơnoh đĭ kyar bơwih ƀong hmâo mơ̆ng 6-6,8%, pơhrui ngăn drăp hmâo 8.500 klai prăk amăng thun 2024.

Hơdôm jơlan pơsir kiăng pơđĭ kyar bơwih ƀong, pơjing anih anom gêh gal pioh pơtrut bruă ngă đang hmua, bơwih ƀong sĭ mơdrô, ngă pơhưč tuh pơplai kiăng pơsir bruă mă, ngă pơhrưč ngăn rơnoh klă hiam, jơlan nao pioh bruă pơkă pơdŏng plơi pla phrâo thun 2024, jơlan nao pioh wai lăng, pơgang glai klô hăng pơđĭ tui lŏn gôm kyâo pơ̆ anăp anai. Amăng tal jơnum anai, Khul pơ ala mơnuih ƀôn sang tơring čar Dak Lak hmâo tŭ ư pel ĕp 36 tơlơi pơtrun pơsit hăng tơlơi pơsit lu bôh yôm phăn pơkon, pơjing gru than djơ̆ phiăn, pran pơtrut pioh pơđĭ kyar bơwih ƀong - mơnuih mơnam amăng thun 2024 hăng rơwang 2021-2025./.