Amăng mông jơnum anai, khul pơ ala mơnuih ƀon sang tơring čar Dak Lak sem lăng, pơčrông sai hăng pơsit hơdôm boh tơhnal bơdjơ̆ nao bruă brơi pơtrun bruă hăng ruah pơhrua Ding kơna Jơnum min mơnuih ƀôn sang tơring čar tal X, rơwang thun 2021-2026 hăng pơphun plĕ hră dong yua hăng ƀing apăn bruă yua Khul pơ ala mơnuih ƀon sang tơring čar Dak Lak tal X, rơwang thun 2021-2026 ruah tui tơlơi pơtrun mrô 96 thun 2023 mơng Ƀirô Khua pơ ala mơnuih ƀôn sang dêh čar hăng sa, dua boh tơhnal yôm phăn pơkŏn.

Đĭ pơhiăp amăng mông jơnum, yă Huỳnh Thị Chiến Hòa, Khua khul pơ ala mơnuih ƀon sang tơring čar Dak Lak lăi pơtong, jơnum lok 10, tal 10 amra sem lăng, pơsit hơdôm boh tơhnal yôm phun, amăng anun hơmâo pơphun plĕ hră dong yua mơnuih apăn bruă yua Khul pơ ala mơnuih ƀon sang tơring čar ruah kiăng pok pơhai ngă tui tơlơi pơtrun mrô 96 hăng sem lăng, pơsit hơdôm boh tơhnal yôm phăn tui tơlơi glăm ba hăng gum hrŏm hăng Jơnum min mơnuih ƀôn sang tơring čar pơsir hĭ hơdôm bruă phrâo; djơ̆ hăng tơlơi rơkâo bruă mă mơng ƀing apăn bruă hăng bruă jao pơđĭ kyar bơwih ƀong huă, mơnuih mơnam amăng tơring čar.