Pơhiăp amăng mông jơnum, ơi Trịnh Mạnh Cường-Kơ-iăng khua anom bruă git gai mrô 389 mơ̆ng dêh čar lăi, hơdôm blan rơnuč thun 2023, tơlơi kiăng ming pơkra, blơi yua bơyan čơkă thun phrâo, hrơi pơdơi pơdă lu tui, hrŏm hăng rơnoh đĭ trun mơ̆ng gơnam sĭ mơdrô amăng kual, tơring tơrang amăng dêh čar dŏ prong, anun amuñ biă ngă kơƀah gơnam sĭ mơdrô, ba truh ngă đĭ nua, amuñ ba truh tơlơi sĭ mơdrô dŏp pleč ƀlor.

Ơi Cường rơkâo  Khul git gai mrô 389 djop tơring čar amăng kual Dap Kơdư pơtum ngă bruă pơhlôm pơgang sĭ mơdrô dŏp, pleč ƀlor hăng sĭ mơdrô gơnam ngă mă ƀơi jơlan guai dêh čar hăng ba pơmut rai amăng dêh čar; pơtum lu mơta gơnam tam juăt ƀuh kah hăng hơbâo, kmơ̆k pruai, ia jrao pơgang phun pla, kông ngăn amăng gŭ lŏn, ƀơt mlăi pơtuh, ia săng ia jâo; kơtưn bruă pơgăn sĭ mơdrô dop, sĭ mơdrô pleč ƀlor amăng bruă sĭ mơdrô hăng điện tử.