Kơ-iăng khua dêh čar ơi Trần Hồng Hà nao jơnum hrom. 15 thun laih rơgao, bruă ngă tui tơlơi jak iâu pơsur hrăm hră jai hrơi tŭ yua tui, yua boh tŭ yua mơ̆ng bruă pơtrut hrăm hră, pơsur ƀing rơgơi ƀu pơdơi ôh pơđĭ kyar, thun tơdơi lu hloh thun hlâo. Khul pơphun bruă mă pơsur hrăm hră hlong pơphun truh pơ să, phường, tơring kual hăng ƀut plơi mơnuih ƀôn sang dŏ mơtam, hơmâo truh 26 klăk čô ngă ding kơna. Pơhiăp ƀơi mông jơnum, Kơ-iăng khua dêh čar ơi Trần Hồng Hà lăi pơtong; Kiăng kơ lŏn ia hing ang kơtang tui lĕ kông ngăn yôm hloh jing ană mơnuih yôm pơphăn biă mă.

Hăng gru grua rơnuk ba yua pơblih mrô, pơblih yua mrô bruă mă hơdjă rơgoh, juăt lăi mrô hơdră bruă mơtah mơda, kiăng biă mă bruă ngă khom gir run hrăm mă pô amăng djop mơnuih ƀôn sang, biă mă ñu hơduah ĕp tơlơi thâo ia rơgơi, tơlơi pơhing phrâo. Laih dơ̆ng rơkâo Ding jum Pơtô hăng Pơjuăt ngă hrŏm Khul pơsur hrăm hră tañ čih pơkra tum teč hloh bruă mă pơtô lăi truh djop sang bruă, khul mơnuih mut phung, sang anŏ mơnuih ƀôn sang thâo hluh rơđah boh yôm pơsur tơlơi hrăm hră.