Amăng mông h’ŭ pran jua pơpŭ sit nik, ƀing khua mua nao ngă yang čuh ñang hăng pioh sa mơnit hơdor glăi, h’ŭ kơ ƀing tơhan djai pơsăn drơi jăn yua kơ lŏn ia, ƀing ană bă khin hơtai mơ̆ng plơi pla Khánh Hòa hơmâo blah ngă, tuh drah pơčah asar yua kơ tơlơi rơnuk ngă sang rơnang ngă hmua kơ dêh čar.  Ƀơi anăp anih h’ŭ bơngăt jua khua sông kơtang đưm kơnung djuai Trần hăng ƀing mơnuih khin hơtai djai pơsăn drơi jăn yua kơ lŏn ia, Khul pơphun Hơdră adoh suang “Pơdrong sah mơ̆ng kual ia rơsĭ dêh čar”  ƀing khua mua ƀuăn djă pioh gru grua hiam mơ̆ng djuai ania Việt Nam.

Gum pơgôp na nao, tŭ ư hrŏm sa pran jua, ngă bruă beč băl, thâo pơčeh phrâo, găn rơgao djop tơlơi tơnap tap lông lăng, kiăng ngă giong bruă jao; djru hrŏm pơtrut pran jua thâo khăp kơ lŏn ia, pơpŭ kơ djuai ania; djă kjăp tơlơi pơmin pran jua khut khăt pơgang tơlơi dưi ngă pô kơ lŏn ia, guai ia rơsĭ, bul pơtâo plao kmrong amăng ia rơsĭ dêh čar laih anun atur lŏn pơtâo  tơbiă đĭ gah yŭ jơlah ia rơsĭ đêl ƀiă, jing guai lŏn ia hing ang yôm pơphăn; pơđĭ tui tơlơi pơmin bruă mă, hơduah ĕp dram gơnam kông ngăn yôm amăng ia rơsĭ, kiăng ngă pơdrong sah mơ̆ng kual ia rơsĭ dêh čar hăng pơgang ayuh hyiăng anih dŏ jum dar hiam klă laih anun pơđĭ kyar bơwih ƀong huă hơđong kjăp.