Tơlang tơleh Ling tơhan Việt Nam hơmâo ĕp ƀuh ƀơi să Tà Veng Lơ, tơring čar Ratanakiri (Kur), hăng ƀơi čroh ia Phooc, tơring čar Attapư (Lao). Hrŏm hăng tơlang tơleh, grup K53 hơmâo ĕp ƀuh sa, dua gơnam yua anun ao ia hơjan, akhăn yu, boh phao AK, bưn ñôm, jĕp kơsu…5 per tơlang tơleh hơmâo ĕp ƀuh tal anai aka ƀu thâo krăn anăn tơhan.

Tui anun, mơng akŏ bơyan phang truh ră anai, ƀing apăn bruă, ling tơhan Grup K53 tơring čar Quảng Ngãi hơmâo ĕp ƀuh, pơtum pơƀut glăi 15 per tơlang tơleh dŏ dor glăi ƀơi dêh čar arăng, ƀing gơñu ăt tañ ba glăi tơlang tơleh tơhan pơ dêh čar ta.