Lơ 25/9, ƀrô hrơi ƀing khua mua pơprong dêh čar Việt Nam yua Khua git gai Ping gah, Khua mir sir ơi Tô Lâm ba jơlan hlâo nao Jơnum khua mua pơprong kơ bruă kơñ pơgi, Jơnum khul pơ ala Sang gum hơbit djop dêh čar tal 79, mă bruă ƀơi dêh čar Mi, Kơ-iăng khua dêh čar, Khua ding jum pơtom hiăp dêh čar ơi Bùi Thanh Sơn hơmâo mông bưp Kơ-iăng khua djru bruă pơgang rơnuk rơnua dêh čar Mi Jonathan Finer.

Kơ-iăng khua dêh čar, Khua ding jum pơtom hiăp ơi Bùi Thanh Sơn pơsit tong Việt Nam lăng dêh čar Mi lĕ dêh čar ngă gŏp yôm phun hăng čang rơmang hrŏm hăng dêh čar Mi tŏ tui ba tơlơi rô nao rai dua bơnah jai dơlăm, tŭ yua, hơđong kjăp hluai tui pran luă gŭ tơlơi rơngai, ngă pô hăng hơdôm tơlơi pơkă mơng tơlơi rô nao rai dua bơnah, ba glăi tơlơi dưi hrŏm mơng mơnuih ƀôn sang dua bơnah hăng pơgôp amăng bruă pơgang rơnuk rơnua, hơđong, ngă hrŏm hăng pơđĭ kyar amăng kual hăng jar kmar.