VOV4.Jarai - Ƀơi ƀirô mă bruă Gong gai dêh čar, Kơ-iăng Khua dêh čar ta ơi Lê Văn Thành git gai mông jơnum Khul pel ĕp pơkă kual lŏn mơnai dlai ia rơwang 2021-2030, tơhnal lăng truh thun 2050. Anai lĕ kual pơkă mơng lŏn ia tal blung a dưi pơjing gah tơlơi lŏn mơnai dlai ia, jing pơsit jơlan gah abih bang kơ hơdôm bruă pơkă kual mơng dêh čar, pơkă kual, pơkă tơring čar, pơkă kual ia krông hăng hơdôm kual pơkă hmâo hơdră pơkă kơjăp hmâo pơkra, mă yua ia. Klah čun bruă jơnum Kơ-iăng Khua dêh čar ơi Lê Văn Thành pơsit yôm tơlơi gir run mơng Ding jum kông ngăn dlai tlô hăng rơhuông adai lŏn mơnai dêh čar amăng bruă git gai gum hrom hăng hơdôm Ding jum, gơnong bruă, tơring čar, ƀôn prong, hơdôm ƀirô, khul grŭp jar kơmar, ƀing juăt bruă mơ̆, hmâo akô̆ tlôn kiăng pơdŏng kual pơkă pơhlôm kơjăp, ngă tui tơlơi pơkă amăng tơlơi phiăn kơ pơkă kual. Kơ-iăng Khua dêh čar ta rơkâo Ding jum kông ngăn dlai tlô hăng rơhuông adai lŏm mơnai tŭ mă tơlơi gum pơhiăp kiăng pơplih pơkra, ngă giong, rơkâo tơlơi gum pơhiăp ƀing ding kơna mơng Khul hlâo kơ lăi pơthâo gưl hmâo tơlơi dưi pel ĕp pơsit ngă tui./.

Siu H’ Prăk: Pơblang