Kơ-iăng khua dêh čar ơi Hồ Quốc Dũng phrâo nao sem lăng bruă mă sit nik hăng mă bruă tom khua mua jơnum min mơnuih ƀôn sang tơring čar Gia Lai kơ bruă ngă tui Bruă mă Quang Trung, djru mơnuih ƀôn sang pơsir tơlơi răm ƀăm truh lŏn adai ngă, tañ hơđong tơlơi hơdip mơda. Ngă tui Bruă mă anai, tơring čar Gia Lai, iâu pơtum 1.200 čô khua mua, tơhan blah ngă hăng 650 čô khua mua, tơhan kông an djru man pơdong, ming pơkra glăi pưk sang, đang hmua brơi kơ mơnuih ƀôn sang.

Truh ră anai,abih bang 27.500 boh sang kiăng ming pơkra glăi, dŏ ƀiă sang hlăk ming pơkra aka ƀu giongl amăng mrô 674 boh sang man pơdong phrâo, rơbêh 96% lĕ ngă giong laih, hơdôm sang dŏ glăi hlăk dŏ ngă đôč, gir kiăng truh lơ 15/1/2026 tui hăng tơlơi git gai mơ̆ng Khua dêh čar khom ngă giong.

Kơ-iăng khua dêh čar lăng yom pran jua mă bruă gơgrong ba, tơlơi gum hrŏm khut khăt ƀơi tơring čar Gia Lai mă bruă ngă tui “Bruă mă Quang Trung”, hrŏm hăng tơlơi djru tŭ yua mơ̆ng ling tơhan blah ngă laih anun tơhan kông an hai”.

Kơ-iăng khua dêh čar pơtrun hiăp kơ tơring čar ăt jŭ yap glăi rim kơ sang anŏ kiăng hmao djru ba pơsir tañ anŏ kơƀah, kiăng mơnuih ƀôn sang hmao čơkă thun phrâo ƀong têt Bính Ngọ amăng sang phrâo rơnuk rơnua, hơđong hăng pok pơhai lu hơdră ngă hơđong sui thun pơ anăp adih.