Kơ-iăng khua dêh čar ơi Hồ Quốc Dũng pơtrut “Bruă mă Quang Trung” ƀơi Dak Lăk
Thứ ba, 15:41, 13/01/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Tlam tom brơi lơ 12/1, Khul mă bruă mơ̆ng Kơnuk kơna yua ơi Hồ Quốc Dũng ba jơlan hơmâo nao čuă mơnuih ƀôn sang pơ kual ia dăo ƀơi să Hòa Thịnh laih anun ngă bruă hăng Jơnum min mơnuih ƀôn sang tơring čar Dak Lăk či pel ĕp, pơtrut pơsur ngă “Bruă mă Quang Trung” man pơdong, pơkra glăi sang dŏ kơ mơnuih ƀôn sang pơ kual ia dăo phrâo rơgao.
Kơ-iăng khua dêh čar nao čuă, tơña bla hơdôm boh sang răm rai kơtang tơdơi kơ ia dăo rơnuč thun 2025, mơak hrŏm hăng neh met wa hơmâo sang dŏ phrâo, tañ hơđong glăi tơlơi hơdip mơda.
Tui hăng tơlơi lăi pơthâo glăi, truh lơ 12/1, Dak Lăk hơmâo pơkra giong 892 boh sang răm kơtang; amăng mrô 606 boh sang man phrâo, hơmâo man giong laih 529 boh sang, dưi ngă rơbêh 87%, mrô dŏ glăi glăk gir man kiăng tañ. Kơ-iăng khua dêh čar ơi Hồ Quốc Dũng kiăng tơring Dak Lăk pơƀut man pơkra, ngă pơgiong hĭ 77 boh sang dŏ glăi tui hrơi pơkă, laih dong kiăng tañ ming pơkra anih anom, jơlan nao rai, bruă ngă hmua pla pơjing, hơđong glăi tơlơi bơwih ƀong kơ mơnuih ƀôn sang pơ plơi pla ia lip.
Viết bình luận