Mơ̆ng bruă sem lăng anih hơmâo lŏn tơhlŏm kơtang ƀơi 5 boh tơring čar kual lŏn dăo ia krông Cửu Long ăt kah hăng hơdôm anih ƀơi kual Yŭ Kơdư hăng hơdôm anih či kual Dap Kơdư, brơi ƀuh khŏm pơsir brơi tañ hơdôm anih hơmâo lŏn tơhroh trun. Kơ-iăng khua dêh čar ơi Lê Minh Khái bơni kơ 3 boh tơring čar kual lŏn dăo ia krông Cửu Long hăng hơdôm ding jum anom bruă hơmâo rơkâo đĭ tañ pơsir hĭ tơlơi răm rai yua lŏn tơhlŏm ƀơi hang ia krông, hang ia rơsĭ yua ayuh hyiăng pơplih, bơbeč djơ̆ bruă bơwih ƀong huă - mơnuih mơnam.

Kơ-iăng khua dêh čar ơi Lê Minh Khái pơsit: hăng tơlơi kiăng ječ ameč pơsir hĭ tơlơi truh lŏn tơhlŏm, hơdôm ding jum anom bruă khŏm lăng glăi abih bang, ngă hrŏm, rơkâo pơsir hĭ tơlơi răm rai ƀơi hang ia krông mơ̆ng 13 boh tơring čar ƀôn prong kual Lŏn dăo ia krông Cửu Long tañ hloh, djơ̆ hăng tơlơi phiăn, pơsir bruă yôm phun, djơ̆ anih kiăng pơsir, tañ ngă bruă.