Kual plơi pla ƀơi să Lợi Hải hơmâo abih tih 2.080 boh sang anŏ, amăng anun djuai ania Raglai rơbêh 82%. Hơdôm thun laih rơgao, yua kơ ngă tui bruă pơplih phun pla, hlô rông hăng hơdôm hơdră bruă pơhrŏ trun ƀun rin, neh met wa hơmâo tuh pơ alin pơđĭ kyar bơwih ƀong huă ba glăi boh tŭ yua, pơhrui glăi hơđong ƀiă dong. Hrŏm hăng anun, hơmâo Kơnuk kơna đing nao tuh pơ alin hơdôm rơtuh klai prăk dăng nao hrĕ apui lơtrik, pơkra jơlan, sang ia jrao, ia hơdjă, djơ̆ hăng tơlơi kiăng mơng mơnuih ƀon sang.

Đĭ pơhiăp amăng mông jơnum, kơ-iăng khua dêh čar ơi Lê Minh Khái lăi pơtong, hrơi ngui anai lĕ hrơi mông kiăng djop gưl Ping gah, gong gai pơbưp nao rai, đing tơngia hmư̆ tơlơi rơkâo đĭ mơng mơnuih ƀon sang, thâo tơlơi čang rơmang mơng neh met wa; hrŏm hăng mơnuih ƀon sang pơčrông lô, pơjing hơdră ngă tui tŭ yua amăng djop bruă kơđi čar, pơđĭ kyar bơwih ƀong huă-mơnuih mơnam, wai pơgang rơnuk rơnua, mơng anun kơtưn mut hrŏm amăng mơnuih mơnam, hơkrŭ kjăp pran gum pơgôp djop djuai ania.