Kơ-iăng khua kiăng dua bơnah ngă hrŏm kơjăp, pơphun ngă tŭ yua “Jơlan hơdră ngă hrŏm mơ̆ng Việt Nam hăng Thụy Sĩ rơwang thun 2021-2024”, hăng lu tơlơi kiăng ngă hlâo lĕ dưi pơhno hloh amăng kual bơwih ƀong hơjăn, pơđĭ kyar bơwih ƀong ƀong mơnuih rơgơi hră, dưi pơgang djŏp tơlơi lông lăng phrâo kơ pơđĭ kyar hăng ayuh hyiăng pơplih phara.

Việt Nam čang rơmang hơmâo tơlơi djru na nao mơ̆ng Thụy Sĩ hăng tơlơi gir đĭ kyar hơđong kơjăp mơ̆ng Việt Nam amăng hrơi blan pơ anăp, biă ñu dưi pơhno kơtang hloh mơ̆ng kual bơwih ƀong mơnuih ƀôn sang ngă pô, ngă hrŏm anom bơwih ƀong prong...Čang rơmang Thụy Sĩ pơtô brơi tơlơi thâo, djru ba Việt Nam akŏ pơdong anih pơtô pơjuăt klă. Khua ding jum bơwih ƀong, pơtô pơjuăt hăng kơsem min boh thâo Thụy Sĩ Dominique Paravicini čang rơmang hăng kơnang amăng hrơi blan pơ anăp, anom bơwih ƀong dêh čar Thụy Sĩ amra hơmâo lu hloh ƀơi Việt Nam, laih dong čang rơmang ƀơi Thụy Sĩ amra hơmâo lu hloh gơnam yơyôm mơ̆ng Việt Nam.