Kơ-iăng Khua dêh čar ơi Lê Thành Long hmâo jao laih 400 anung gơnam tết kơ hơdôm bôh sang anô̆ ƀun rin, ƀun rin ƀơƀiă, sang anô̆ hmâo tơlơi hơdip tơnap gah mơnuih hmâo pơhrui mă lŏn pioh kơ bruă pơkra jơlan đuăi hmar Đồng Đăng – Trà Lĩnh; mơnuih mă bruă kơ sang bruă, mơnuih mă bruă kơ anom bruă mơ̆ng sa dua bôh anom bơwih ƀong hăng ƀing mă bruă glăk dô̆ mă bruă ƀơi glông jơlan đuăi hmar ƀơi tơring čar Cao Bằng.

Kơ-iăng Khua dêh čar ơi Lê Thành Long pơtŏng sit, bruă bơwih brơi tơlơi hơdip mơda kơ mơnuih ƀôn sang, biă ñu hơdôm mơnuih ƀu hmâo anih kơnang lĕ bruă gơgrong hăng ăt lĕ phiăn juăt đưm “gum djru nao rai tơdruă” klă hiam mơ̆ng djuai ania Việt Nam; rơkâo gưl ping gah, gong gai plơi prong đing nao dong, pok pơhai bruă hơđong tơlơi hơdip mơda mơnuih ƀôn sang, pơhlôm mơnuih ƀôn sang čơkă Tết tui phiăn juăt pơhlôm, mơ-ak klă, tâ̆o yâo, ƀu pioh hlơi lui lơi gah tlôn, djop mơnuih, djop sang leng kơ hmâo Tết./.