VOV4.Jarai - Kơ-iăng Khua dêh čar ta ơi Lê Văn Thành hăng Grŭp hyu mă bruă hmâo nao pel ĕp, mă bruă kơ tơlơi ngă tui Akô̆ bruă pơkă kual Tơdrun tum păn mơng tơdrŏn rơdêh por Jar kơmar Nội Bài rơwang mơng thun 2021-2030, tơhnal lăng truh kơ thun 2050. Hơdôm tơlơi gum pơhiăp amăng mông mă bruă phun tŭ ư hăng bôh yôm pơkă kual lŏn, amăng anun bruă pok prong Tơdrun tum păn mơng tơdrŏn rơdêh por Jar kơmar Nội Bài djop brơi 100 klăk čô tuai sa thun jing kiăng biă.

Klah čun mông mă bruă, Kơ-iăng Khua dêh čar ơi Lê Văn Thành lăi lĕ hăng rơnoh hơkrŭ glăi, đĭ kyar tañ mơng Bruă rơdêh por, bruă Tơdrun tum păn mơng tơdrŏn rơdêh por Jar Kơmar Nội Bài hmâo 50 klăk čô tuai sa thun amăng thun 2030 lĕ amra dưi. Kơ-iăng Khua dêh čar ta lăi rơđah khom tañ ngă giong, pơsit kual pơkă; tơdơi kơ hmâo tơlơi pơkă tañ pơjing hơdră pơtrun tuh pơplai, tañ lăi pơthâo glăi gưl hmâo tơlơi dưi. Kơ-iăng Khua dêh čar rơkâo hơdôm ding jum, gơnong bruă, anom bruă bơdjơ̆ nao tañ ngă tui hơdôm bruă dưi jao kiăng hrưn đĭ pơphun pơkra jơlan por đĭ trun hăng sang tuai jưh tơguan đĭ rơdêh por amăng rơwang 2024-2025./.

Siu H’ Prăk: Pơblang