Ƀơi mông bưp, Kơ-iăng khua dêh čar ơi Nguyễn Hòa Bình lăng yom biă tơlơi gum pơgôp prong yom mơ̆ng Khua ding jum prong ơi Lý Hiển Long hăng bruă pơtrut laih anun ngă dlăm tui tơlơi rô nao rai dua boh dêh čar ăt kah hăng đĭ kyar bơwih ƀong mơ̆ng Việt Nam hơdôm pluh thun rơgao, amăng anun tơlơi đĭ kyar kơtang mơ̆ng Kual sang măi pơkra gơnam Việt Nam - Singapor (VSIP).

Kơ-iăng khua dêh čar ơi Nguyễn Hòa Bình čang rơmang Khua ding jum lăng ba dong, pơtrut tui tơlơi rô nao rai dua bơnah đĭ kyar kơtang, sit nik, tŭ yua hloh ăt kah hăng djru pơtô brơi, lăi pơthâo tơlơi rơgơi đĭ kyar anom bruă prăk hăng pơtrut ngă hrŏm, pơtruh nao rai anom bruă prăk jar kmar dua boh dêh čar.