Grup LEGO amra tuh pơ alin, man pơdong sang măi prong 44 ektar ƀơi kual tuh tia pơkra pơjing VSIP III, hăng abih tih prăk tuh pơ alin 1 klai 300 klăk đôlar Mi. Anai lĕ sang măi tal 6 amăng rŏng lŏn tơnah hăng tal 2 ƀơi kual Asia mơng Grup LEGO. Ƀơi Việt Nam, anai lĕ akŏ bruă tuh pơ alin prong hloh mơng anom bruă tuh pơ alin Đan Mạch.

Him lăng, sang măi mơng Grup LEGO amra mă yua mơng thun 2024 hăng amra pơhlôm brơi bruă mă kơ giăm 4.000 čô mơnuih. Anai ăt lĕ sang măi blung a amăng kual tuh tia pơkra pơjing VSIP III ƀơi Bình Dương. Khua pơ ala brơi grup LEGO brơi thâo, anai lĕ sang măi blung a mơng grup LEGO hơmâo pơđĭ kyar tui hơdră hiam hơdjă, hơđong kjăp hăng pơgang anih dŏ hơdip jum dar hăng hơnong pơkă ƀu hơmâo asăp Carbon.