Amăng mông bưp,m Kơ-iăng Khua dêh čar pơsit tong, Việt Nam lăng dêh čar Mi lĕ dêh čar ngă gŏp yôm phăn hăng čang rơmang hrŏm hăng dêh čar Mi tŏ tui ba tơlơi rô nao rai jai dơlăm, hơdră bruă kơđi čar mơng dua bơnah, ba glăi tơlơi dưi sit nik brơi mơnuih ƀôn sang dua bơnah hăng pơgôp pơhlôm rơnuk rơnua, hơđong, ngă hrŏm, pơđĭ kyar amăng kual hăng rŏng lŏn tơnah.

Kơ-iăng khua dêh čar čang rơmang dêh čar Mi tŏ tui đing nao hăng kơtưn djru ngăn rơnoh brơi Việt Nam, pơplih yua apui lơtrik, pơplih mơtah, bong glăi pơplih ayuh hyiăng, wai pơgang hlô mơnong amăng glai rưng. Dua bơnah pơlăi nao rai kơ hơdôm bruă jar kmar hăng amăng kual dua bơnah đing nao, laih dong tŭ ư bruă hơdôm anom bruă bơdjơ̆ nao mơng dua bơnah gum hrŏm kjăp kiăng prap lui hơdôm bruă pioh hơdor glăi 30 thun akŏ pơjing bruă pơtom hiăp Việt Nam-Mi amăng thun 2025.