Kơ-iăng khua dêh čar ơi Trần Hồng Hà tŭ jum Khua djru bruă mơ̆ng Khul pơlir hơbit kual Mi Kô̆
Thứ bảy, 10:54, 07/10/2023
VOV/Siu H'Mai Pơblang
VOV/Siu H'Mai Pơblang
VOV4.Jarai - Mơguah lơ 6/10, ƀơi sang bruă Kơnuk kơna, Kơ-iăng khua dêh čar ơi Trần Hồng Hà tŭ jum ơi Tibor Stelbaczky, khua djru bruă mơ̆ng Khul pơlir hơbit kual Mi Kô̆ (EU) hăng ơi Chris Taylor, Khua djru bruă mơ̆ng dêh čar Anglê kơ bruă ngă tui Tơlơi kĭ pơkôl pơplih apui lơtrik dưm kơnar (JETP).
Ƀơi mông tŭ jum, Khua djru bruă khul pơlir hơbit kual Mi Kô̆ čang rơmang hơmâo bơkơtuai hrŏm tui tơđar, či ba tơbiă hơdră ngă bruă tong ten, klă hloh amăng bruă ngă tui JETP ƀơi Việt Nam. Kơ-iăng khua dêh čar ơi Trần Hồng Hà lăng yôm kơ bruă pok pơhai kơčăo bruă ngă lăng hlâo tui hơnong pơkă JETP, mơ̆ng anun djru ƀing wai lăng, anom bơwih ƀong, pô pơtruh nao rai anom bruă prăk, ƀing rơgơi kơhnăk...hrăm tui, pơtum glăi, ba tơbiă tơlơi kơđiăng tui či pơsir hĭ hơdôm tơlơi aka ƀu djơ̆ tơdah hơmâo.
Viết bình luận