Kơ-iăng Khua dêh čar ơi Trần Hồng Hà tŭ jum Khua phun kông ty Astra Zeneca
Thứ ba, 09:57, 15/08/2023
VOV/Nay Jek pơblang
VOV/Nay Jek pơblang
VOV4.Jarai-Mơguah lơ 14/8, ƀơi anom bruă Kơnuk kơna, ơi Trần Hồng Hà, Kơ-iăng Khua dêh čar tŭ jum ơi Nitin Kapoor, Khua phun kông ty Astra Zeneca.
Ƀơi mông tŭ jum, Kơ-iăng khua dêh čar lăng yôm hăng mơ-it hiăp bơni kơ anom bruă Astra Zeneca hơmâo djru yôm pơphăn rơnoh prăk, hmao kru hăng kơ Việt Nam amăng bruă pơhlôm pơgang klin kheng Covid 19, djru hrŏm pơgang klin hrŏ ƀiă amăng rŏng lŏn tơnah.
Pơčrong sai kơ bruă pla 22,5 klăk phun kyâo mơ̆ng anom bruă Astra Zeneca, Kơ-iăng khua dêh čar čang rơmang Astra Zeneca ngă hrŏm hơdră bruă Net Zero, JET ƀơi Việt Nam kiăng lông ngă lăng, lông pla tui hăng tơlơi juăt ngă amăng rŏng lŏn tơnah. Kơ-iăng khua dêh čar ăt pơčrong sai hơdôm bruă pơdjơ̆ nao mơ̆ng Group Astra Zeneca pơsit ngă gêh găl hrŏm gah Việt Nam laih anun ngă tui sit nik amăng jar kmar, pơkra, ba yua ia jrao pơjrao duăm ruă, wai lăng rơnoh pơkă hnong carbon amăng glai klô.
Viết bình luận