Lăi pơtong, group Walmart hơmâo lu bruă mă tuh pơ alin, sĭ mơdrô ƀơi Việt Nam, boh nik ñu akŏ pơjing bruă mă sĭ mơdrô ngă hơđong rơnoh sĭ mơdrô, ba gơnam nao pơ dêh čar tač rơngiao, ơi Avaneesh Gupta lăi pơtong, djop jơlan hơdră djru mơ̆ng kơnuk kơna Việt Nam ngă gêh găl brơi group Walmart akŏ pơjing, mă bruă amuñ hloh, pơkra ming gơnam sĭ mơdrô ƀơi Việt Nam pioh ba nao sĭ mơdrô pơ djop dêh čar amăng rŏng lŏn tơnah kah hăng gơnam eng ao tơčoh giong, gơnam yua rim hrơi amăng sang anŏ, mơnong ƀong huă.

Lăng yôm hơdră pơphun bruă mă mơ̆ng Group Walmart, Kơ-iăng khua dêh čar ơi Trần Hồng Hà brơi thâo hăng tơlơi gêh găl mơ̆ng sang bruă Walmart, pơsir bruă mă, pơkra jơlan glông, sang bruă, ngă hơđong bruă kơđi čar mơnuih mơnam, Việt Nam jing sa amăng hơdôm boh dêh čar pơkra ming gơnam sĭ mơdrô gơnam yua prong hloh amăng rŏng lŏn tơnah.