9 blan laih rơgao, bruă wai lăng amăng jơlan glông tŏ tui pơhlôm. Đơ đam dêh čar hơmâo rơbêh 8.300 wŏt rơdêh pơjrŏm, hrŏ trun 194 wŏt hăng hrŏ trun 124 čô mơnuih djuai pơhmu tui tơđar thun hlâo. Jơlan rơdêh đuăi kơniă rôk tui hơdôm ară jơlan pơprong amăng hơdôm hrơi ngă yang prong, hrơi ngui tết hrŏ trun lu pơhmu hăng thun 2022.

Amăng mông mă bruă, Kơ-iăng khua dêh čar ơi Trần Lưu Quang lăi nao hơnong pơkă amăng rơwang tal 4 kiăng hrŏ trun ƀuh rơdêh pơjrŏm mơng 5-10% tui 3 hơnong pơkă; pơsir hĭ bruă jơlan kơniă ƀơi hơdôm ară jơlan phun, hơdôm jơlan pơkuh nao rai pơkŏn, ƀơi hơdôm plơi prong hăng anăm brơi bruă anai ƀuh sui. Tui kơ-iăng khua dêh čar, bruă phă tơdơi lơm ngă soh glăk ba glăi tơlơi dưi, laih dong rơkâo hơdôm ding jum, gơnong bruă, gong gai đing nao ngă tui 8 grup bruă jao phun hơmâo ba tơbiă kiăng pơhlôm hơđong amăng jơlan glông.