Pơhiăp ƀơi mông pok jơnum, Kơ-iăng Khua dêh čar ơi Trần Lưu Quang lăng yôm tơlơi gơgrong mơ̆ng tal pơdă sang čơ dêh čar Khač hăng kual Nam Á hăng pơdă sang čơ sĭ mơdrô ƀơi Côn Minh amăng bruă djru ƀing ngă bruă sĭ mơdrô ƀơi kual Ngŏ Dơnung ASIA, kual Dơnung ASIA lăi Nam Á hơduah ĕp mông gêh găl mut hrŏm tuh pơ alin, kơtưn bruă sĭ mơdrô, pơtrut brưa sĭ mơdrô kiăng pơsir tơlơi tơnap tap, tơdơi kơ tal klin kheng Covid 19 ngă.

Kơ-iăng khua dêh čar ta lăng yôm tơlơi gơgrong mơ̆ng tơring čar Vân Nam amăng bruă ngă hrŏm Việt Nam hăng hơdôm dêh čar amăng kual ASEAN, hăng hơdră ngă hrŏm hơmâo anŏ gêh găl mơ̆ng hlâo laih, rơkâo kơnuk kơna dêh čar Khač hăng gong gai kơnuk kơna tơring čar Vân Nam ăt đing nao, pơtrut ngă hrŏm hlom blom pơtruh nao rai prong hloh bơwih ƀong huă sĭ mơdrô, čơkă tuai čuă hyu ngui plah wah tơring čar Vân Nam hăng hơdôm tơring čar ƀơi Việt Nam.