Tui tơlơi pơtrun mơng Khua dêh čar tŭ yap akŏ bruă man pơdong tơring čar Lâm Đồng, truh thun 2030, tơring čar Lâm Đồng amra jing tơring čar pơđĭ kyar djop mơta; pơjing Đà Lạt hăng kual jum dar jing anih bơwih brơi tuai čuă ngui amăng đơ đam dêh čar hăng kual Ngŏ dơnung Asia, anai lĕ anom pơtô pơjuăt, pơplih pơčeh phrâo. Amăng anun, đĭ tui GRDP dưi pơhrui mơng 8,5-9% ha thun, pơhrui glăi mơng rĭm čô mơnuih dưm dưm 170 klăk prăk ha thun, mrô sang anŏ ƀun rin tŏ tui hrŏ trun mơng 1-1,5%...

Anăp nao truh thun 2050, dưi ngă djop hơnong pơkă jing plơi prong gah gơnong glông pơplih phrâo, hơmâo djop gru grua, mơtah, rơgơi hăng hơdip mơ-ak hloh. Ăt amăng lơ 23/6, Kơ-iăng khua dêh čar ơi Trần Lưu Quang hơmâo lăi pơthâo bruă pơkra ming tơdron rơdêh por Liên Khương (Lâm Đồng) jing tơdron rơdêh por jar kmar. Rơwang thun 2021-2030, tơdron rơdêh por Liên Khương hơmâo pơkra ming jing tơdron rơdêh por 4E hăng đĭ gưl II, dưi pơgiăng giăm 5 klăk čô tuai hăng 20 rơbâo tơ̆n gơnam tam rĭm thun.