Ƀơi să Si Pa Phìn, tơring glông Nậm Pồ hăng tơring kual Mường Chà, tơring glông Mường Chà,  Kơ-iăng Khua dêh čar ta Lê Minh Khái hrŏm hăng grŭp hyu mă bruă mơ̆ng Gong gai dêh čar ta hmâo ƀơk laih 240 anung gơnam Tết, hăng abih bang nua ñu giăm truh 300 klăk prăk kơ hơdôm bôh sang anô̆ ƀun rin, sang anô̆ gah hơdră bruă, mơnuih apăn bruă, mơnuih mă bruă čar, mơnuih mă bruă đang hmua hmâo tơlơi hơdip tơnap tap.

Kơ-iăng Khua dêh čar ta ăt hmâo hlă mơn hnal lăi pơthâo sang Gum hrŏm hơbit kơ sang anô̆ ơi A Lồng, ƀơi plơi Chế Nhù, să Si Pa Phìn, tơring glông Nậm Pồ hăng ơi Lý A Nỏ, ƀơi plơi Huổi Chim, să Ma Thì Hồ, tơring glông Mường Chà. Anai leng kơ sang anô̆ ƀun rin mơ̆ng tơring čar Điện Biên, dưi djru 50 klăk prăk pioh pơkra sang dô̆ tui Akô̆ bruă 09 mơ̆ng Jơnum min djop djuai ania mơnuih mơnam dêh čar Việt Nam kơ bruă pơsur djru pơkra sang anô̆ Gum hrŏm hơbit kơ sang anô̆ ƀun rin tơring čar Điện Biên anăp nao hơdor glăi 70 thun tlaih rơngai Điện Biên Phủ./.