Kơ-iăng Khua dêh čar ta ơi Lê Minh Khái djă pioh bruă mă tuh pơplai bơwih ƀong sĭ mơdrô ba glăi bôh tơhnal mơ̆ng Grŭp amăng hơdôm bruă măi mok, man pơdŏng, sĭ mơdrô, hơdră phrâo măi mok pôr pơhing... ăt kah hăng hơdôm bruă gơgrong mơnuih mơnam mơ̆ng Grŭp, mơ̆ng anun, djru klă kơ bruă pơđĭ kyar bơwih ƀong – mơnuih mơnam mơ̆ng Việt Nam.

Mơ̆ng thun 2007, Grŭp Hyosung hmâo mă yua rơbêh kơ 4 klai dolar Mi mut ƀơi dêh čar Việt Nam, hăng hơdôm bruă mă phun kah hăng: Măi mok pơkra gơnam man pơdŏng, măi rơngaih mơñam bơnal, măi pơkra put jrao, măi pơkĕ apui. Kơ-iăng Khua dêh čar ta ơi Lê Minh Khái čang rơmang Grŭp hơduah ĕp lăng tŏng ten hloh, tuh pơplai hơdôm bruă mơ̆ Grŭp hmâo đing nao hlâo; pơtŏng sit, Gong gai Việt Nam lăng ba na nao, lăng yôm bruă pơplih pơkra anih anom tuh pơplai, ngă gal brơi kơ Grŭp tuh pơplai bơwih ƀong sĭ mơdrô ba glăi bôh tơhnal hăng pơđĭ kyar kơjăp sui thun./.