VOV4.Jarai - Mơguah lơ 26/9, Jơnum min mơnuih ƀôn sang tơring čar Bình Dương gum hrom pơphun pơtrut tuh pơplai jar kơmar (Horasis), Khul pơlir bruă măi mok India, pok phun Bơkơtuai bruă gum hrom bơwih ƀong India Horasis 2022 hăng anăn ñu “Hur har Việt Nam – tơhnal lăng phrâo”. Nao pơhmư̆ hmâo Kơ-iăng Khua dêh čar ơi Vũ Đức Đam hăng khua mua hơdôm bôh ding jum, gơnong bruă dêh čar.

Pok phun bruă bơkơtuai

Hluai tui bruă bơkơtuai hăng 6 mông jơnum abih bang hăng 26 mông bơkơtuai, Bình Dương čang rơmang amra hơduah ĕp hơdôm jơlan pơsir yôm phăn, djru pơđĭ kyar bơwih ƀong Bình Dương. Pơhiăp amăng mông pok phun, Kơ-iăng Khua dêh čar ta ơi Vũ Đức Đam pơsit kual bơwih ƀong hmâo prăk tuh pơplai dêh čar tač rơngiao lĕ sa črăn yôm phăn mơng bruă bơwih ƀong, truh kih mơng mơnuih tuh pơplai dêh čar tač rơngiao ăt lĕ truh kih mơng Việt Nam mơn. Bruă bơkơtuai dưi pơphun lĕ tal pioh Kơnuk kơna, anom bơwih ƀong mơng 2 bôh dêh Việt Nam – India lăi pơthâo tơhnal lăng, tơlơi pơmin, kơčăo bruă ngă hrom kiăng hơdai bơpơđĭ kyar./.

Siu H’ Prăk: Pơblang