Hơdôm hrơi pơ̆ anăp, tơlơi ƀing ngă soh gah hot jrao ăt dô̆ hơnong glêh tơnap mơn amăng abih bang hơdôm ară jơlan phun: jơlan Ngŏ Kơdư, Yŭ Kơdư, Kơdư kual Tŏng Krah – Dap Kơdư, Yŭ Dơnung, glông jơlan ia rơsĭ, jơlan rơdêh por.

Rơgao bruă thâo tơlơi, guai tui kơjăp ƀơi hơdôm ară jơlan blơi sĭ, dŭ pơgiăng ƀu djơ̆ phiăn hot jrao găn nao rai hăng dêh čar arăng, pơlir glông jơlan, pơlir tơring čar khul Tơhan polih pơgang hot jrao hmâo pel ĕp, hyu ĕp mă lu tơlơi hot jrao hăng mrô lu. Pơhiăp amăng mông ngă lơphet, Kơ-iăng Khua dêh čar ta Trần Lưu Quang hơ-ưč hmưi hơdôm bruă dưi ngă, bôh than mơ̆ng khul Tơhan polih pơgang hot jrao hmâo ngă amăng hơdôm hrơi rơgao, Kơ-iăng Khua dêh čar ta rơkâo khul Tơhan polih pơgang pơgăn hot jrao ngă klă bruă mă rim hrơi, pơphô brơi, pơtô ba, pơtrut Jơnum min mơnuih ƀôn sang gưl tơring čar Lăi pơthâo glăi Khul pơ ala mơnuih ƀôn sang mă yua hơdră bruă djru prăk mă yua kơ bruă pơgang, pơgăn hot jrao./.