Tui hăng tơlơi lăi pơthâo mơ̆ng Ding jum wai lăng bruă Kơnuk kơna, pơphun dư dăp anom bruă kơnuk kơna hăng pơplih glăi hơdôm anom bruă kơnuk kơna pơdong, hơdôm boh tơring čar ƀôn prong hơmâo pơhrŏ trun 13 gơnong bruă hăng anom bruă kơnuk kơna pơphun amăng Jơnum min mơnuih ƀôn sang tơring čar; pơhrŏ trun rơbêh 2.500 anom bruă gưl tơring glông gah anom apăn bruă Jơnum min mơnuih ƀôn sang tơring čar, tơring glông wai lăng, laih dong lăng glăi, dưm dăp glăi anom bruă kơnuk kơna pơdong, yap truh abih thun 2023 hơmâo pơhrŏ trun rơbêh 7.800 anom bruă kơnuk kơna.

Pơhiăp ƀơi mông jơnum, Kơ-iăng khua dêh čar Trần Lưu Quang bơni kơ hơdôm bruă gir run mơ̆ng ƀing khua, mơnuih mă bruă hăng boh than ba glăi mơ̆ng abih bang anom wai lăng bruă kơnuk kơna thun 2023. Amăng anun hơmâo lu bruă tơnap ngă.