Pơhiăp amăng mông jơnum ngă lơphet, Kơ-iăng khua dêh čar Trần Lưu Quang lăng tôm hơdôm tơlơi gir run kơ Ding jum Boh thâo phrâo hăng Ia rơgơi, Khul wai lăng anom tuh tia pơkra ming ia rơgơi Hoà Lạc, Jơnum min mơnuih ƀôn sang ƀôn prong Hà Nội hăng hơdôm ding jum anom gum hrŏm mă bruă, man pơdong anih tuh tia pơkra ming ia rơgơi Hòa Lạc pơđĭ kyar kah hăng ră anai.

Kơ-iăng khua dêh čar rơkâo jơnum min mơnuih ƀôn sang ƀôn prong Hà Nội, tơdơi kơ tŭ mă wai lăng anih tuh tia pơkra ming ia rơgơi Hòa Lạc kiăng ngă tui djă pioh hơdôm boh tơhnal dưi ngă mơ̆ng hlâo truh ră anai; pơhlôm hơđong, anăm ngă tơ̆i đưn amăng bruă mă man pơdong hăng pơđĭ kyar anom tuh tia pơkra ming ia rơgơi Hòa Lạc; laih dơ̆ng ƀôn prong kiăng hơduah ĕp mơnuih apăn bruă ĕp prăk kăk apah mă bruă mơ̆ng ƀôn prong hăng hơdôm rơnoh prăk pơkŏn kiăng pơsir bruă mă pơđĭ kyar amăng kual tuh tia pơkra ming ia rơgơi Hòa Lạc.