Kơ-iăng khua ding jum pơtom hiăp Lê Thị Thu Hằng bơni hơ-ơč kơ Khua đăo Khop, Marek Zalewski pơ ala kơ Vatican blung a ƀơi Việt Nam; pơdah rai pran jua hok mơak ƀơi anăp tơlơi pơđĭ kyar hiam klă rô nao rai Việt Nam-Lŏn ia đăo Khop Vatican thun blan rơgao; lăi pơtong dua bơnah kơnang kơ tơlơi phiăn pơkôl pơkă ngă bruă hrŏm mơ̆ng khua pơ ala Vatican hăng anom bruă pơ ala ƀơi Việt Nam ƀrô tal nao čuă Vatican mơ̆ng Khua mir sir Việt Nam, Võ Văn Thưởng blan 7/2023, djă pioh gru kơđŏm, yak rơbat phrâo pơđĭ kyar tơlơi rô nao rai plah wah Việt Nam hăng Vatican.

Kơ-iăng khua ding jum, Lê Thị Thu Hằng lăi pơtong, djop sang bruă kơnuk kơna gah Việt Nam amra djru khua pơ ala mơ̆ng Vatican dŏ mă bruă ƀơi Việt Nam, amra ngă giong bruă jao, djru hrŏm pơtrut tui bruă mă ngă gơyut gơyâo hiam klă plah wah Việt Nam hang Vatican laih anun ƀing đăo Khop ƀơi Việt Nam