Hơmâo akŏ pơdong mơng blan 7/1951, sang ia jrao ră anai lĕ anih pơjrao yôm phăn gah Ding jum ia jrao, jing anih gơgrong phun amăng bơwih brơi tơlơi suaih pral mơnuih ƀôn sang kual čư̆ siăng gah Kơdư. Pơpŭ hơdôm tơlơi dưi pơprong mơng sang ia jrai amăng rơbêh tơjuh hơpluh thun akŏ pơdong hăng pơđĭ kyar, kơ-iăng Khua git gai pơ ala mơnuih ƀôn sang dêh čar rơkâo ƀing khua mua, ƀing ơi ia jrao, nai ia jrao tŏ tui gru grua gum pơgôp, pơplih pơčeh phrâo, pơtrut kơsem min hăng mă yua bohn thâo ia rơgơi, boh thâo phrâo.

Hrŏm hăng anun, sang ia jrao kiăng tañ pơplih mrô amăng wai lăng, khăm pơjrao, hrưn đĭ klă amăng bruă bơwih brơi gah ia jrao, lăng mơnuih duam ruă ngă phun. Kơ-iăng Khua git gai pơ ala mơnuih ƀôn sang dêh čar ăt lăi pơtong bruă jao pơtô hrăm, pơplih yua boh thâo brơi sang ia jrao gah yŭ, pơgôp plai ƀiă ngă kơniă brơi sang ia jrao pơprong, laih dong ƀơƀrư̆ pơjing sang ia jrao jing anih pơjrao klă hloh, pơplih phrâo amăng kual kơdư, bơwih brơi, wai pơgang hăng pơhlôm brơi tơlơi suaih pral mơnuih ƀôn sang.