Kơ-iăng Khua git gai wai lăng pơ ala mơnuih ƀôn sang dêh čar ta Nguyễn Đức Hải čang rơmang Ping gah, gong gai hăng mơnuih ƀôn sang tơring čar Quảng Nam djă pioh, ngă tui klă bôh tŭ yua mơ̆ng Kual hơdor pioh Khua Khul pơ ala mơnuih ƀôn sang Kơnuk kơna ta Võ Chí Công pioh anih anom anai sit nik jing sa anih anom rơđah pơtô juăt phiăn ngă hơkrŭ đưm hăng pran jua khăp kiăng kơ lŏn ia kơ hơdôm rơnuk Việt Nam.

Ƀrô̆ djơ̆ tal čơkă Tết tui phiăn juăt mơ̆ng djuai ania, Kơ-iăng Khua git gai wai lăng pơ ala mơnuih ƀôn sang dêh čar ta Nguyễn Đức Hải ƀơk 20 anung gơnam Tết kơ 20 bôh sang anô̆ tơnap tap ƀơi să Tam Xuân 1, tơring glông Núi Thành, tơring čar Quảng Nam. Kơ-iăng Khua git gai wai lăng pơ ala mơnuih ƀôn sang dêh čar ta čang rơmang hơdôm bôh sang anô̆ gir run yak rơgao tơlơi tơnap, mă bruă bơwih ƀong huă klă, djru hrŏm amăng tơlơi pơđĭ kyar mơ̆ng tơring čar Quảng Nam./.