Lữ đoàn 146 – grŭp Trường Sa, jing anom gah Kual 4 Tơhan ia rơsĭ hmâo bruă wai lăng, pơgang bul ia rơsĭ Trường Sa, tơring čar Khánh Hòa. Grŭp Trường Sa hmâo črâo ba hơdôm anom bruă pơdŏng jơlan gah prăp lui, hluh gah lăng tui ƀơi rơhuông adai, ƀơi ia rơsĭ, lăng tui tŏng ten. Hơdôm bôh anom pơhlôm klă tơlơi ba tơbiă kơ gơnam tam, pran jua ƀơi bul ia rơsĭ, anih anom phun bul ia rơsĭ. Bruă prăp lui kơ tơhan, mơnuih ƀôn sang ƀơi bul ia rơsĭ čơkă Tết tui phiăn juăt Giáp Thìn hmâo pok pơhai tum djop tui kơčăo bruă.

Pơhiăp hăng mơnuih apăn bruă tơhan, ling tơhan Lữ đoàn 146, Kơ-iăng Khua git gai wai lăng pơ ala mơnuih ƀôn sang dêh čar rơkâo khua mua, khua git gai, khua apăn bruă tơhan, ling tơhan Lữ đoàn 146 khom gơgrong hlâo klă amăng bruă djru pơtlaih, gum djru mơnuih hyu mă akan lơm hyu mă akan hơdang ƀơi ia rơsĭ; sit nik jing anih gơnang kơjăp kơ mơnuih hyu mă akan hơdang hyu amăng ia rơsĭ. Ƀing ta đing nao pơdŏng hăng pơđĭ kyar tơring glông Trường Sa jing anih anom phun bơwih ƀong – bôh thâo đưm – mơnuih mơnam ƀơi ia rơsĭ mơ̆ng đơ đam dêh čar, jing phao kơnong gơgrong kơjăp pơgang lŏn ia pô”./.