Bơkơtuai yua kơ Anom jar kơmar kơsem min bôh thâo phrâo hăng pơtô juăt pơlir gơnong bruă gum hrŏm hăng Khul pơlir hơbit Khua pơ ala mơnuih ƀôn sang Rŏng lŏn tơnah pơphun, hăng anăn ñu “Hơđong hăng ƀu hơđong akô̆ ia”: pơdah glăi tơlơi hơdip hrŏm rơnuk rơnua hăng bôh thâo phrâo”. Pơhiăp amăng mông bơkơtuai anai, ơi Nguyễn Đức Hải, Kơ-iăng Khua git gai wai lăng pơ ala mơnuih ƀôn sang dêh čar ta lăi rơđah, Việt Nam hmâo laih lu jơlan pơhlôm hơđong akô̆ ia, đing nao bruă ngă giong glông jơlan čih tơlơi phiăn, amăng anun hmâo rơbêh 100 mơta hră pơ-ar wai lăng bơdjơ̆ nao kơ ia.

Amăng tal jơnum lok 6 blan 10 pơ̆ anăp anai, Khua pơ ala mơnuih ƀôn sang dêh čar ta amra pel ĕp, hluai tui tơlơi phiăn Kông ngăn ia (pơplih pơkra) kiăng pơplih pơkra abih bang kơ akô̆ ia; hrŏm hăng anun glăk črâo ba hơdôm bôh ƀirô pel ĕp glăi hơdôm Tơlơi phiăn bơdjơ̆ nao kiăng pơhlôm ngă giong rơwang bruă tơlơi phiăn hơđong akô̆ ia. Khua pơ ala mơnuih ƀôn sang dêh čar Việt Nam hmâo gơgrong hlâo, ba tơbiă klă hơdôm bruă mă hăng gum hrŏm hơdôm tơlơi pơčeh phrâo đơ đam rŏng lŏn tơnah mơng Khul pơlir hơbit Khua pơ ala mơnuih ƀôn sang Rŏng lŏn tơnah./.