Kơ-iăng Khua git gai wai lăng pơ ala mơnuih ƀôn sang dêh čar ta čang rơmang mơnuih ƀôn sang kual čư̆ siăng guai dêh čar ngă tui dong pran jua gum hrŏm hơbit, gum nao rai tơdruă, djru nao rai tơdruă pơđĭ kyar bruă ngă đang hmua, pơgang glai klô hăng hrưn đĭ ngă pơdrŏng mơ̆ng glai. Kual mơnuih ƀôn sang dô̆ A Liêng, să Tà Bhing hmâo 207 bôh sang anô̆ hăng 810 čô mơnuih gah djop djuai ania Ve, Jeh Triêng, Khơ Mú, Yuan... kơnong kơ djuai ania Kơtu hmâo 80% mrô mơnuih ƀôn sang.

Thun 2023, tơlơi hơdip mơda gơnam tam, pran jua mơ̆ng mơnuih ƀôn sang dưi pơđĭ tui, pran jua plơi pla, ala ƀôn jai hrơi jai pơkĕ hrŏm kơjăp. Mơnuih ƀôn sang kual plơi A Liêng, să Tà Bhing gum hrŏm hơbit djru nao rai tơdruă pơđĭ kyar bơwih ƀong đang war, pơkĕ hrŏm hăng pơđĭ kyar rông hlô mơnong. Hơdôm hơdră “Sang anô̆ hor hrăm hră” dưi pơđĭ kyar hăng pơhư prong. Tal anai, Kơ-iăng Khua git gai wai lăng pơ ala mơnuih ƀôn sang dêh čar ta ơi Nguyễn Đức Hải hmâo ƀơk jao laih 10 bôh sang dô̆ gum hrŏm hơbit ƀơk brơi hơdôm bôh sang anô̆ ƀun rin, hmâo tơlơi hơdip mơda tơnap tap ƀơi să Tà Bhing, tơring glông Nam Giang, rim sang hmâo nua 60 klăk prăk; ƀơk lu anung gơnam kơ čơđai sang hră, mơnuih ƀun rin, ƀing hmâo arăng đăo gơnang hăng sang anô̆ gah hơdră bruă ƀơi să Tà Bhing./.