Hmư̆ tui tơlơi jak iâu mơng Kơ-iăng Khua mir sir dêh čar ta yă Võ Thị Ánh Xuân, Dăm Phu dêh čar Đan Mạch Frederik hăng bơnai ñu Mary Elizabeth rai čuă sit nik dêh čar Việt Nam mơng lơ 31/10 truh lơ 3/11. Mơguah kơ 1/11, tơdơi kơ mông ngă Lơphĕt čơkă jum ƀơi anih mă bruă Khua mir sir, Kơ-iăng Khua mir sir dêh čar ta yă Võ Thị Ánh Xuân hmâo laih mông bơkơtuai hăng Dăm Phu dêh čar Đan Mạch.

Kơ-iăng Khua mir sir dêh čar ta yă Võ Thị Ánh Xuân bơkơtuai hăng Dăm Phu Frederik

Kơ-iăng Khua mir sir dêh čar ta yă Võ Thị Ánh Xuân mơ-ak ƀơi anăp bruă rô nao rai giăng mah hăng gum hrom lu mơta kơplah wah dua bôh dêh čar glăk đĭ kyar dơlăm prong hăng klă amăng abih bang hơdôm mơta bruă, biă ñu tuh pơplai, gum hrom gah apui yua, rơhuông adai lŏn mơnai hăng ngă juăt hăng pơplih ayuh hyiăng, pơtô pơhrăm, bôh thâo đưm... Kơ-iăng Khua mir sir dêh čar ta yă Võ Thị Ánh Xuân čang rơmang jai hrơi jai hmâo lu anom bơwih ƀong Đan Mạch tuh pơplai, bơwih ƀong sĭ mơdrô ba glăi bôh tơhnal ƀơi Việt Nam amăng hơdôm bruă mơ̆ Đan Mạch hmâo anô̆ gal hăng Việt Nam hmâo tơlơi kiăng./.