Kơ-iăng Khua mir sir dêh čar Võ Thị Ánh Xuân, Kơ-iăng Khua tal sa Khul wai lăng bruă bơkơtưn pơplông apah bơni dêh čar ta nao pơhmư̆ mông jơnum. Tô̆ tui hơdôm bôh tơhnal dưi ngă amăng hơdôm thun rơgao, thun 2024, ƀôn prong Hải Phòng hmâo ba tơbiă laih tơhnal đĭ kyar bơwih ƀong – mơnuih mơnam kơtang tit hăng hơdôm tơhnal pơkă dlông hloh thun 2023, amăng anun; rơnoh đĭ kyar abih bang gơnam amăng ƀôn prong GRDP mơ̆ng 11,5%-12%; Mrô ngă rai gơnam mơ̆ng măi mok IIP đĭ 15%; Abih bang pơhrui ngăn drăp Kơnuk kơna ƀơi anai hmâo rơbêh kơ 106.761 klai prăk; Pơhưč tuh pơplai mơ̆ng dêh čar tač rơngiao hmâo mơ̆ng 2-2,5 klai dolar Mi.

Kiăng dưi ngă tui tơhnal ba tơbiă, ƀôn prong Hải Phòng hmâo ba tơbiă sa dua bruă mă hăng jơlan pơsir phun, amăng anun đing nao bruă pok prong anih bơwih ƀong, pơplih phrâo hơdră đĭ kyar, dăp glăi bruă bơwih ƀong tui jơlan gah pơsit pơđĭ kyar 3 mơta phun: bruă măi mok yôm, tơdrun ia rơsĭ – logistics, tuai čuă ngui – sĭ mơdrô; pơtrut kơtang pơplih bruă hră pơ-ar, tơlơi phiăn, ngă tui dưm dăp anom mă bruă čar gưl tơring glông, gưl să; pơgang, pơgăn hưp ƀong kông ngăn, pơkrem hơdeng, pơgăn ngă khưi khai./.