Rơgao 19 thun pok pơhai pơphun Pri hmâo ngă pơhư̆č lu mơnuih kơsem min bôh thâo măi mok hlăk ai Việt Nam amăng lŏn ia hăng pơ̆ dêh čar tač rơngiao hmâo rơkâo pel ĕp ƀơk pri. Truh ră anai, hmâo laih 194 čô mơnuih thâo rơgơi hloh dưi čơkă mă Pri Quả Cầu Vàng.

Kơnong kơ pri đah kơmơi kơsem min bôh thâo măi mok Việt Nam truh ră anai hmâo laih 719 čô đah kơmơi rơgơi dưi čơkă mă pri. Pơhiăp amăng mông bưp, Kơ-iăng Khua mir sir dêh čar ta yă Võ Thị Ánh Xuân ol kơdol pran jua djă pioh hơdôm tơlơi gum hơgôp mơng 30 čô mơnuih hlăk ai ư-ang čơkă mă pri. Kơ-iăng Khua mir sir dêh čar ta lăi lĕ, ƀing hlăk ai hmâo mă pri hmâo bôh tơhnal yak blung a lĕ yôm phăn biă, lăp pơpŭ biă samơ̆ ăt kiăng pơsit mơn gah anăp kơjăp phik dô̆ hmâo lu anô̆ gun kiăng yak rơgao; rơkâo Khul hlăk ai dêh čar ngă tui dong, pơđĭ tui tơlơi đăo gơnang pri bơni kiăng jing pri ba jơlan hlâo mơng hlăk ai Việt Nam kơ bôh thâo hơdră phrâo măi mok./.