Tơdơi kơ 32 thun pơdŏng glăi, truh ră anai tơring čar Lào Cai dŏng amăng top phun amăng 14 bôh tơring čar Kual tŏng krah hăng kual čư̆ siăng Kơdư dêh čar. Rơnoh đĭ kyar bơwih ƀong hơnong ñu giăm truh 10% amăng sa thun; abih bang prăk pơhrui ngăn drăp kơnuk kơna ƀơi tơring čar hmâo rơbêh kơ 10 rơbâo klai prăk; mrô mơnuih ƀun rin hrŏ trun tañ, mơ̆ng 54,8% (thun 1991) trun dô̆ 19,3%.

Amăng bruă hrăm hăng ngă tui Wa Hồ, Ping gah hăng mơnuih ƀôn sang djop djuai ania Lào Cai hmâo gơgrong hlâo, hyu hơduah ĕp klă, hmâo hơdră ngă pơčeh phrâo hăng bruă tañ mă yua tơlơi pơkă ngă gru hlâo pioh kơ mơnuih apăn bruă git gai phun hăng mơnuih apăn akô̆, hmâo pơkă ha jăn kơ hrăm hăng ngă tui Wa Hồ amăng đơ đam tơring čar tañ hloh đơ đam dêh čar. Rim thun leng kơ mă yua tơhnal pơsit čom puang hrăm hăng ngă tui Wa. Mơng thun 2016 truh ră anai, đơ đam tơring čar Lào Cai hmâo bơni apah pri kơ 3 rơbâo 356 grŭp, mơniuh hmâo bôh than gah hrăm hăng ngă tui Wa. Kơ-iăng Khua mir sir dêh čar ta, yă Võ Thị Ánh Xuân pơtă: Ping gah tơring čar Lào Cai khom hmâo hơdôm jơlan pơsir khut khăt ngă tui pran jua gum hrŏm hơbit, hrŏm hăng anun hmâo hơdôm hơdră bruă, hơdră djru lăp djơ̆, hăng pok phun kiăng neh wa gơgrong mă pô hăng tơngan pô, ngă hiưm hơpă pioh neh wa djop djuai ania pơđĭ kyar dưm kơnar hăng dưi čơkă mă hơdôm bôh than pơđĭ kyar mơng lŏn ia./.