Sang hră wai lăng pơtô čơđai anet Pác Bó prong 1.800m2 hăng rơnoh pơkă pơdŏng 6 bôh anih hrăm, sa bôh sang hră, sang mă lu bruă hrŏm hăng sa dua bôh anom bruă mă yua pơkon. Khă ayuh hyiăng ƀu gal, hơjan lu samơ̆ kơnong kơ tơdơi kơ giăm hmâo 3 blan pok pơhai pơdŏng, ring bruă giong laih pơhlôm hlâo kơ hrơi mut thun hrăm phrâo.

Anai lĕ tơlơi pơsur prong biă hăng ƀing nai pơtô čơđai, čơđai sang hră hăng mơnuih ƀôn sang să guai dêh čar Trường Hà, tơring glông Hà Quảng, tơring čar Cao Bằng hăng ăt lĕ tơlơi pioh Sang hră wai lăng pơtô čơđai anet Pác Bó hrưn đĭ djơ̆ hăng tơhnal dêh čar pơkă pơ̆ anăp anai. Tal anai, Kơ-iăng Khua mir sir dêh čar ta hăng grŭp hyu mă bruă hmâo tuĭ ñang, pơpŭ bơnga ƀơi Pra yang Khua mir sir Hồ Chí Minh ƀơi kual djă pioh gru grua lŏn ia phara Pác Bó, să Trường Hà, tơring glông Hà Quảng./.