Kơ-iăng khua mir sir lăng yôm tơring čar hơmâo pok pơhai djop anih bruă pơplông, ngă lar hyu kơtang amăng mơnuih mơnam. Amăng rơwang ngă bruă, Lâm Đồng hơmâo rơbêh 360 khul grup, ƀing mơnuih hơmâo Khua mir sir jao miđai, hră pơpŭ pơplông truh kih, pri, tơlơi apah bơni anăn pơpŭ pơ-ư ang Kơnuk kơna; rơbêh 500 khul grup mă kla kơ pơplông, hră pơpŭ mơng Kơnuk kơna; rơbêh 32.000 khul grup hơmâo hră pơpŭ gưl tơring čar hrŏm hăng lu tơlơi pơpŭ bơni pơkŏn.

Ƀrô tal anai, kơ-iăng khua mir sir ƀơk 200 anung gơnam brơi ƀing čơđai ƀun rin găn rơgao tơnap tap hrăm hrơi rơgơi hăng anung gơnam brơi tơhan sông kơtang nao jơnum. Jơnum ăt pơpŭ brơi 15 khul grup, ƀing mơnuih ba gru amăng djop mơta bruă, pơgôp pơsur pran pơplông khăp kơ lŏn ia rơwang thun 2025-2030.