Ƀơi mông ngă bruă hăng Khua jơnum min pơ ala plơi prong Maputo, Ding kơna Ding jum kơđi ccar Ping gah Frelimo ngă akŏ Eneas Comiche, Kơ-iăng khua mir sir yă Võ Thị Ánh Xuân lăi, plơi prong jưh jom Maputo mơ̆ng Mozambique hơmâo lu tơlơi pơlir hơbit biă mă hăng Việt Nam, jing anih hơmâo jơlan Hồ Chí Minh, pơ ala brơi pran jua gum pơgôp ngă giăng mah, pơlir hơbit kơplah wah dua djuai ania. Dua bơnah pơđĭ tui bruă bơbưp, ba tơlơi ngă hrŏm dua bơnah mut dlăm hloh, sit nik hăng tŭ yua; lăi pơthâo bruă akŏ pơdong plơi prong jưh jom tui jơlan pơplih phrâo, lăi nao boh thâo wai lăng plơi prong hăng anih hơdip amăng plơi prong. Tơdơi kơ mông bưp, Kơ-iăng khua mir sir yă Võ Thị Ánh Xuân hăng Khua Jơnum min pơ ala mơnuih ƀôn sang plơi prong Maputo jơnum ngă lơphet mă yua anăn jơlan phrâo hăng bơnga dưm ƀơi Jơlan Hồ Chí Minh.